Hausten 2021 styrkar me mattilbodet på fritidsordningane våre.

Frå og med 1.september er Lena Lekven Ellefseth ansatt i Nore Neset Idrettslag. Lena tok fagbrev kokk i juni 2021, og skal vera ansvarleg for næringsrik og god tilrettelagt (varm) mat til våre fritidsordningar, mandag til torsdag.

Lena er ansatt i ei 12 månader lang prosjektstilling, slik at vi får tid til å sjå om dette vil styrke tilbodet vårt ytterlegare.

For å sikre at vi har kontroll på evetuelle matallergier, ber vi om at alle melder inn relevant informasjon snarast.

Lena Ellefseth
Kokk, Nore Neset Idrettslag

Fritidsordninga vil kombinera leik, ballidrett, turar og aktivitetar i nærområdet. I tillegg til fotball og handball kan det være aktivitetar som for eksempel grilling, hinderløype ute eller inne, aking o.l.

Barna får tilbod om leksehjelp i aktivitetshuset. Her kan dei óg samlast i lag på tvers av alder, kjønn og kva for skule dei høyrer til.